The Demo Site

லண்டன் டெய்லி மெயில், த சண், ஈவினிங் ஸ்ரான்டர்ட் போன்ற பத்திரிகைகள் உட்பட லண்டன் பத்திரிகைகள் வெளியிட்ட ஒரு செய்தி இன்று சர்ச்சையைத் தோற்றுவித்துள்ளது.

ஸ்கொட்லண்ட்யார்ட் பொலிஸார் நேற்று வெளியிட்டதாகச் சொல்லப்பட்ட இரண்டு தகவல்களைக் கொண்டதாக அந்தச் செய்தி இருந்தது.

முதலாவது பரமேஸ்வரன் சுப்ரமணியம் என்ற தமிழ் இளைஞர் உண்ணாவிரதம் இருந்த காலப்பகுதிக்கான பொலிஸாருக்கான மேலதிகக் கொடுப்பனவு 7.1 மில்லியன் பவுண்கள் என்பது. பரமேஸ்வரன் சுப்ரமணியம் உண்ணாவிரதம் இருந்த 72 நாட்களும் 24 மணிநேரமும் 29838 பொலிஸார் கடமையாற்றியதற்கான மேலதிகக் கொடுப்பனவே இது என்று அப்பத்திரிகை தெரிவித்துள்ளது.

இரண்டாவது பரமேஸ்வரன் சுப்ரமணியம் தனது உண்ணாவிரதப் போராட்டத்தின் போது இரகசியமாக மக்டொனால்ட் பேகர் சாப்பிட்டார் என்பது.

இலங்கையில் விடுதலைப் புலிகளுக்கு எதிரான இறுதி யுத்தம் நடைபெற்றுக் கொண்டிருந்த போது அந்த யுத்தத்தை நிறுத்தக் கோரி புலம் பெயர் தேசங்களில் வாழும் தமிழ் மக்கள் தொடர் போராட்டங்களை நடாத்தியிருந்தார்கள்.

லண்டனிலும் பாராளுமன்றிற்கு முன்பாக தமிழ் மக்கள் ஒன்றுகூடிப் போராட்டம் நடாத்தினார்கள். அதன் ஒரு அங்கமாக 28 வயதான பரமேஸ்வரன் சுப்ரமணியம் தொடர் உண்ணாவிரதப் போராட்டமொன்றை மேற்கொண்டு வந்தார்.

பிரித்தானிய அரசு வழங்கிய இரகசிய உறுதி மொழியைத் தொடர்ந்து ஜுன் 17ஆம் திகதி தமது உண்ணாவிரதப் போராட்டத்தை அவர் கைவிடுவதாக அறிவித்தார். இன்று வரை பிரித்தானிய அரசு வழங்கிய உறுதி மொழி என்னவென்று எவருக்கும் தெரியாது.

பரமேஸ்வரன் சுப்ரமணியம் உண்ணாவிரதம் இருந்த காலப்பகுதியில் ஸ்கொட்லண்ட்யார்ட் விசேட பொலிஸார் விசேட கண்காணிப்புக்கருவியைக் கொண்டு கண்காணித்ததில் பரமேஸ்வரன் ரகசியமாக மக்டொனால்ட்டின் பேகர் சாப்பிடுவதை தாம் அவதானித்ததாகவும் தம்மால் அதனை நம்பமுடியாமல் இருந்ததாகவும் அவர்கள் தெரிவித்துள்ளதாக அப்பத்திரிகைகள் செய்தி வெளியிட்டுள்ளன.

பரமேஸ்வரன் உண்ணாவிரதம் இருந்த கூடாரத்துக்கு வெளியே மக்கள் உணர்ச்சிக் கொந்தளிப்புடன் இருந்ததாலும், உடனடியாக அது பற்றிக் கருத்துத் தெரிவிப்பது வன்முறைக்கு வித்திடலாம் எனக் கருதியதாலும் தாம் அது பற்றி அப்போது எதுவும் பேசவில்லை என்றும் ஸ்கொட்லண்ட்யார்ட் உயரதிகாரி ஒருவர் தெரிவித்திருப்பதாகவும் அப்பத்திரிகைகள் குறிப்பிட்டுள்ளன.

எனினும் இவ்விடயங்கள் தொடர்பாக ஸ்கொட்லண்ட்யார்ட் பொலிஸார் உத்தியோகபூர்வமாக கருத்து எதனையும் தெரிவித்திருக்கவில்லை.

ஏப்ரலில் நடைபெற்ற ஜி 20 மாநாட்டுக்குப் பொலிஸாருக்குச் செலவிட்ட பணத்தை விடப் பலமடங்கு பணம் இந்தப் போராட்டத்தின் போது செலவிட நேர்ந்ததாகவும், 2006இல் மேற்கொள்ளப்பட்ட பயங்கரவாத நடவடிக்கைகளை முறியடிப்பதற்கு செலவிட்ட பணத்தற்கு நிகரானது இந்தச் செலவு என்றும் அப்பத்திரிகைகள் குறிப்பிட்டுள்ளன. அதன் போது 7.3 மில்லியன் பவுண்கள் செலவிடப்பட்டிருந்தது. 2005 ஆம் ஆண்டு நடைபெற்ற பயங்கரவாதத் தாக்குதலின் போது பொலிஸாருக்கு 21. 7 மில்லியன் பவுண்கள் செலவிடப்பட்டிருந்தன என்றும் அப்பத்திரிகைகள் செலவுக்கணக்கு எழுதியிருந்தன.

இந்தச் செய்தியை வெளியிட்ட பத்திரிகைகள் எவையும் பரமேஸ்வரன் சுப்ரமணியத்துடன் தொடர்பு கொண்டு அவருடைய கருத்தை இது பற்றி கேட்டிருக்கவில்லை. ஆனால் இன்டிபென்டன்ட் மட்டும் இதில் விதிவிலக்கு.

இன்டிபென்டன்ட் இது பற்றி அவருடன் தொடர்பு கொண்ட போது அவர் இச் செய்தியை மறுத்திருக்கிறார். உண்ணாவிரத நேரத்தில் மக்டொனால்ட் பேகர் மட்டுமல்ல எந்த உணவையும் உண்ணவில்லை என்றும் அவர் தெரிவித்திருக்கிறார்.

இது உண்ணாவிரதப் போராட்டத்தையும் அதன் பலத்தையும் கொச்சைப்படுத்தும் ஒரு முயற்சி. ஓரு முழுமையான பொய் என்று குறிப்பிட்ட அவர் இது குறித்து தாம் ஸ்கொட்லண்ட்யார்ட் பொலிஸாருடன் தொடர்பு கொண்டதாகவும் தாம் அவ்வாறான செய்தி எதனையும் வெளியிடவில்லை என்று அவர்கள் மறுத்துள்ளதாகவும் அவர் தெரிவித்துள்ளார். எனவே இது இலங்கை அரசாங்கத்தின் ஒரு திட்டமிட்ட சதி என்று குறிப்பிட்ட அவர் இந்தப் பத்திரிகைகளுக்கு எதிராக தாம் வழக்குத் தொடர ஆலோசித்து வருவதாகவும் தெரிவித்துள்ளார்.

இச்செய்திக்குப் பின்னூட்டமிட்ட பிரித்தானியர்கள் பலர் இலங்கைத் தமிழர்கள் இதனூடாகத் தம்மை முட்டாள்களாக்கி விட்டதாகச் சினந்து கொண்டுள்ளனர். அவர்களில் பெரும்பாலானவர்களுக்கு தமது வரிப்பணம் இன்றுள்ள பொருளாதார நெருக்கடிச் சூழ்நிலையில் அநியாயமாகச் செலவழிக்கப்பட்டிருக்கிறது என்கிற கோபம் இருப்பது அவர்களது எழுத்தில் வெளிப்படுகிறது.

இன்னும் சிலர் பிரித்தானிய அரசாங்கத்தின் அகதிகள் தொடர்பான நிலைப்பாட்டை மிக மோசமானது என்று கண்டித்திருந்தார்கள். அவர்களிலும் தீவிரமான சிலர் இலங்கைத் தமிழர்களுக்கு இப்போது அங்கு பிரச்சினை தீர்ந்து விட்டது தானே. எனவே அவர்கள் எல்லோரையும் திருப்பி இலங்கைக்கு அனுப்பி விட வேண்டும் என்றும் குறிப்பிட்டிருக்கிறார்கள்.

இதற்கு எதிராக வேறு சில அபிப்பிராயங்களும் இல்லாமல் இல்லை. ஸ்கொட்லண்ட்யார்ட் 7.1 மில்லியன் பவுண்களுக்குக் காட்டிய கணக்குத் தான் இது என்றும், போராட்டம் நடைபெற்ற போது வீதித்தடைகள் ஏற்படுத்தப்பட்டு லண்டன் நகரப்பகுதி இடரை எதிர்கொண்ட போது இந்தப் போராட்டத்தை முறியடிக்க பொலிஸார் பல்வேறு பிரயத்தனங்களை மேற்கொண்டிருந்தனர். அதற்குப் பதிலாக அதன் போது இந்த உண்மையை வெளியிட்டிருந்தால் இவ்வளவு நீண்ட நாட்கள் வீதித்தடைகள் இல்லாமல் போராட்டம் எப்போது முடிந்து விட்டிருக்கும் என்றும் அவர்கள் குறிப்பிட்டிருக்கிறார்கள்.

இன்னும் சிலர் போக்குவரத்து விதிகளை மீறினாலே போக்குவரத்துப் பொலிஸாரிடமிருந்து படத்துடன் தண்டம் கட்டச்சொல்லி கடிதம் அனுப்பப்பட்டு விடும். ஆனால் இவ்வாறான ஒரு பாரிய பிரச்சினைக்கு வெறுமனே அவர் பேகர் சாப்பிட்டார் என்று சொல்லியிருப்பது ஏன்? அவர் பேர்கர் சாப்பிடுவதற்கான ஆதாரங்களையும் வெளியிட்டு விட வேண்டியது தானே என்றும் கேட்டிருக்கிறார்கள். அது மட்டுமன்றி இவ்வாறான ஒரு விடயத்தை வெளிப்படுத்த ஏன் இவ்வளவு காலம் எடுத்திருக்கிறது என்றும் கேள்வியெழுப்பியிருக்கிறார்கள்.

ஸ்கொட்லண்ட்யார்ட் பொலிஸார் உத்தியோகபூர்வமாக இது குறித்து எதுவும் தெரிவிக்காத நிலையில் தாம் வெளியிட்ட செய்தியை உறுதிப்படுத்த வேண்டிய பொறுப்பு அப்பத்திரிகைகள் மேல் விழுந்து விடுகிறது.

அவர்கள் இதனை நிரூபிக்கத் தவறும் பட்சத்தில் தமிழ் மக்களுடைய நம்பிக்கையை இழந்தவர்களாகி விடுவது மட்டுமல்ல அப்பத்திரிகைகளுடைய ஊடக அறம் கறை படிந்ததாகவும் ஆகிவிடும்.

மறுபுறத்தில் தன் மீது சுமத்தப்பட்டிருக்கும் கறையைக் கழுவி தமிழ் மக்களுடைய போராட்டத்தின் உண்மைத் தன்மையை நிரூபிக்க வேண்டியது பணி பரமேஸ்வரன் சுப்ரமணியத்தின் கைகளில் இருக்கிறது.

- GTN

தமிழ்த்திரைப்பட நடிகைகள் பற்றி அவதூறு செய்தி பரப்பியதாக கூறி தினமலர் செய்தியாசிரியர் லெனினை சென்னை மாநகர போலீஸார் நேற்று இரவு அதிரடியாக கைது செய்தனர்.பாலியல் சர்ச்சையில் சிக்கிய நடிகை புவனேஸ்வரி,  தென்னிந்திய மூத்த நடிகைகள் சிலரின் பெயரை, இவர்களும் பாலியல் தொழில் செய்துவருவதாக கூறி வெளியிட்டதாகவும், அப்பட்டியலில் இடம்பெற்றவர்களின் பெயர் விபரங்களை படங்களுடன், வெளியிட்டது தினமலர் பத்திரிகை!

இதற்கு கடும் எதிர்ப்பு தெரிவித்து நடிகர் சங்கம் சார்பில் தமிழக முதல்வரிடமும், சென்னை காவற்துறை ஆணையாளரிடமும் புகார் அளிக்கப்பட்டது.இதனடிப்படையில் காவற்துறையினர் தினமலர் செய்தி ஆசிரியர் லெனினை கைது செய்தனர்.

தமிழக அரசின் காவற்துறை இந்த நடவடிக்கைக்கு நடிகர் சூப்பர்ஸ்டார் ரஜினி காந்த் நன்றி தெரிவித்துள்ளர்.'தினமலர் செய்தியை படித்த எனக்கே ஒரு நாள் முழுக்க எந்த வேலையும் செய்ய முடியமல் வேதனையாக இருந்தது. சம்பந்தப்பட்டவர்களுக்கு எப்படி இருந்திருக்கும் என நான் ரொம்ப கவலைப்பட்டேன். தற்போது ஒரு நல்ல செய்தி வந்துள்ளது. செய்தி வெளியிட்ட நாளிதழின் ஆசிரியர் கைது செய்யப்பட்டிருக்கிறார். இந்த விடயத்தில் அதிரடியாக நடவடிக்கை எடுத்து, கைது செய்ய உத்தரவிட்ட முதல்வர் கருணாநிதிக்கும், காவற்துறைக்கும் நன்றி தெரிவித்துக்கொள்கிறேன். ' என நடிகர் ரஜினி காந்த் மேலும் தெரிவித்துள்ளார்.

கல்பாக்கம் கல்பாக்கம் அருகே வயலில் மாடு மேய்க்க சென்றவர் தங்க காசு புதையலை கண்டெடுத்தார். அவரை தாசில்தாரிடம் ஒப்படைக்கப்பட்டது.

காஞ்சிபுரம் மாவட்டம் கல்பாக்கம் அடுத்த குடிபேரம்பாக்கம் என்ற கிராமத்தைச் சேர்ந்த அர்ச்சுனன் நாயக்கருக்கு சொந்தமான நிலத்தை உழுதனர்.

உழுது முடித்து ஆட்கள் சென்ற பின் தங்கராஜ் என்பவர் அந்த வயலுக்குச் சென்றார். அப்போது அங்கு தங்கக் காசுகள் சிதறிக் கிடந்தன.

அவற்றை வீட்டுக்கு எடுத்துச் சென்ற தங்கராஜ், தந்தை வாசுதேவனிடம் கொடுத்தார். இந்த விஷயம் அப்பகுதியில் வேகமாக பரவியது.

இதையடுத்து அப்பகுதி மக்கள் சம்பந்தப்பட்ட வயலில் குவிந்து பலரும் தங்க காசுகளை எடுத்ததாகக் கூறப்படுகிறது.

தகவலறிந்த சதுரங்கப்பட்டினம் போலீஸாரும், திருக்கழுக்குன்றம் தாசில்தார் கண்ணம்மாளும் வருவாய் துறை அதிகாரிகளுடன் குடிபேரம்பாக்கத்துக்கு விரைந்தனர்.

வாசுதேவனிடம் இருந்து 5 தங்க காசுகள் கைப்பற்றப்பட்டு தாசில்தாரிடம் ஒப்படைக்கப்பட்டன. அந்த காசுகள் ஒவ்வொன்றும் சுமார் கால் பவுன் எடையுடன் இருந்தன.

அநதக் காசுகளில் நாமம் வடிவ கோடுகள் உள்ளன. அவை புராதன தங்க நாணயங்கள் எனத் தெரியவந்துள்ளது. வேறு யார் யார் தங்க காசுகளை எடுத்து சென்றனர்என்று அதிகாரிகள் விசாரித்து

தமிழ் கட்சிகள் பலவற்றிற்கும், இயக்கங்களுக்கும் இதுவரை காலமும் வழங்கப்பட்டு வந்த காவற்துறைப் பாதுகாப்புக்கள் ரத்து செய்யப்பட்டிருப்பதாக அந்தக் கட்சிகளின் முக்கியஸ்த்தர்கள் சிலர் தெரிவித்துள்ளனர். 1987களின் பின்னர், கடந்த பல வருடங்களாகவே வடக்கு கிழக்கில் இயங்கிவந்த அரசியல் கட்சிகள், மக்கள் இயக்கங்கள் என்பவற்றின் அலுவலகங்களுக்கு வழங்கப்பட்டு வந்த காவற்துறைப் பாதுகாப்பை அரசாங்கம் மீளப் பெற்றிருப்பதாகத் தெரியவருகிறது.

24 மணிநேர தொடர் பாதுகாப்பைப் பெற்றுவந்த இந்தக் கட்சி, இயக்க, அரசியல் பிரமுகர்கள் மற்றும் அலுவலகங்களுக்கான காவல்துறைப் பாதுகாப்பு நேற்று (05) அதிகாலை முதல் வழங்கப்படவில்லை. இந்தப் பாதுகாப்புக்களை உடனடியாக இரத்துச் செய்யுமாறு காவல்துறைமா

அதிபர் அறிவுறுத்தல்களை வழங்கியிருப்பதாகக் கூறப்படுகிறது.

புளொட் என்ற தமிழ் ஈழ மக்கள் விடுதலைக் கழகம், தமிழீழ விடுதலை இயக்கம்;, ஸ்ரீரெலோ, பத்மநாபா ஈழ மக்கள் புரட்சிகர விடுதலை முன்னணி, ஈ.பி.ஆர்.எல்.எவ் ஆகியவற்றின் அலுவலகங்களுக்கான காவற்துறைப்; பாதுகாப்புக்களே இவ்வாறு ரத்து செய்யப்பட்டுள்ளன.

இதேவேளை புளொட் இயக்கத்தின் தலைவர் தர்மலிங்கம் சித்தார்த்தனின் பாதுகாப்பு நீக்கப்பட்டுள்ளது. எனினும், தமிழர் விடுதலைக் கூட்டணியின் தலைவர் வீ.ஆனந்தசங்கரி, பத்மநாபா ஈழமக்கள் புரட்சிகரவிடுதலை முன்னணியின் தலைவர் சுகு என்ற சிறீதரன், ஸ்ரீரெலோவின் தலைவர் உதயன் ஆகியோரது எம்.எஸ்.டீ என்ற அமைச்சரவைப் பாதுகாப்புக்கள் தொடர்வதாகத் தெரியவருகிறது. எனினும் சில வேளைகளில் தனக்கான தனிப்பட்ட பாதுகாப்பும் விலக்கிக் கொள்ளப்படலாம் என பத்மநாபா ஈழமக்கள் புரட்சிகரவிடுதலை முன்னணியின் தலைவர் சுகு என்ற ஸ்ரீதரன் தெரிவித்துள்ளார்.

இவைத்தவிர ரி.எம்.வி.பி, ஈ.பி.டி.பி. ஆகிய கட்சிகளின் அலுவலகப் பாதுகாப்புகளும் பிரமுகர்களின் பாதுகாப்புக்களும் தொடர்வதாகத் தெரியவருகிறது.

இதேவேளை, தமிழ் தேசியக் கூட்டமைப்பின் வன்னி நாடாளுமன்ற உறுப்பினர்களான செல்வம் அடைக்கலநாதன், வினோநோகராதலிங்கம், சிவசக்தி ஆனந்தன், ஆகியோரது அலுவலகங்களுக்கு வழங்கப்பட்டிருந்த காவற்துறைப் பாதுகாப்பு ஏற்கனவே ரத்து செய்யப்பட்டுள்ளமை நினைவூட்டத்தக்கது.

ஜி.ரி.என்

கள்ளக்குறிச்சி: நாளாந்தம் உணவாக அரைக் கிலோ மண்னை சாப்பிட்டு வருகிறார் காய்கறிக்கடை வியாபாரி கோபி(வயது 25).

விழுப்புரம் மாவட்டம் தியாகதுருகத்தைச் சேர்ந்த இவர் தினசரி சாப்பிடும் மண்ணோடு இடைக்கிடையில் களிமண், ஆற்று மணல் போன்றவற்றையும் ருசித்து சாப்பிட்டு வருகிறார். அத்துடன் ஏரிக் களி மண்ணை மிகவும் விரும்பி சாப்பிடுகிறார்.

விழுப்புர மாவட்டத்தையே விசித்திரத்தில் ஆழ்த்தியுள்ள இச்சம்பவம் குறித்து மேலும் தெரிய வருவதாவது மூன்று வயதிலிருந்தே இந்தப்பழக்கத்தை கொண்டுள்ள கோபி தனது காற்சட்டையில் தினசரி அரை கிலோவுக்கு மேலான மண்ணை சேமித்து வைக்கிறõர். பின்பு அதை வைத்திருந்து நாள் முழுவதும் சாப்பிடுகிறார் இவ்வாறு சாப்பிடும் போது பெரிய கற்கள் தடைப்பட்டால் மட்டும் முடிவில் அவற்றை கீழே துப்பிவிடுவார்.

இது குறித்து கோபி கூறுகையில் "சிறு வயதில் இருந்து மண்ணை உணவாக சாப்பிடும் பழக்கம் உள்ளது. சிறு வயதில் குறைவான மண்ணை சாப்பிட்டு வந்தேன். பின்பு, தினமும் அதிகமான மண்ணை சாப்பிட்டு வருகிறேன். இதனால் எனது உடம்பிற்கு எந்தப் பாதிப்பும் ஏற்பட்டதில்லை. மேலும், மண்ணை சாப்பிடுவதால் இயற்கை உபாதைகளிலும் இதுவரை எந்த பிரச்சினையும் இல்லை. எனக்கு நாளுக்கு நாள் மண் சாப்பிடும் ஆர்வம் அதிகரித்து வருகிறதே தவிர குறையவில்லை' என, மண்ணை சாப்பிட்டு கொண்டே தெரிவித்தார்.

கொழும்பு: ஈழத்தில் நடந்த இறுதிகட்ட போரின் போது விடுதலை புலிகளின் உளவு பிரிவு தலைவர் பொட்டு அம்மான் தனது மனைவியை சுட்டு கொன்றுவிட்டு தானும் தற்கொலை செய்து கொண்டதாக இலங்கை பத்திரிகை ஒன்றும் செய்தி வெளியி்ட்டுள்ளது.

இலங்கையில் கடந்த மே மாதம் 18ம் தேதி நடந்த இறுதி கட்ட போரில் அப்பாவி தமிழர்கள் சுமார் 20 ஆயிரம் பலியானார்கள். அப்போது நடத்தப்பட்ட தாக்குதலில் விடுதலை புலிகள் தலைவர் பிரபாகரனை இறந்துவிட்டதாக இலங்கை அரசு தெரிவித்தது. மேலும், அவரது படத்தையும் வெளியிட்டது. இது தொடர்பாக பல சர்ச்சைகள் எழுந்தன.

மேலும், அதிபர் ராஜபக்சேவின் தம்பி கோத்தபய ராஜபக்சே, உளவு பிரிவு தலைவர் பொட்டு அம்மானும் கொல்லப்பட்டதாக தெரிவித்தார். ஆனால், அவரது உடல் மற்றும் ஆதாரங்கள் இல்லாமல் போனதால் பொட்டுவின் நிலைமை தொடர்ந்து கேள்வி குறியாக இருந்தது.

இந்நிலையில் த நேசன் என்ற இலங்கை பத்திரிகை பொட்டு அம்மான் தற்கொலை செய்து கொண்டதாக தெரிவித்துள்ளது. இந்த தகவலை பொட்டு அம்மானின் உதவியாளர்களில் ஒருவராக இருந்த சசி மாஸ்டர் ராணுவத்திடம் கூறியிருப்பதாக தெரிகிறது.

அதில்,

பொட்டு அம்மான் தனது மனைவி, மகனுடன் போர்களத்தில் இருந்தார். மே 17ம் தேதி நடந்த தாக்குதலில் பொட்டு அம்மானின் மகன் பலியானான்.

இந்த சோகத்தால் அவரது மனைவி சயனைடு சாப்பிட்டு தற்கொலைக்கு முயன்றார். ஆனால், அவர் வைத்திருக்கும் சயனைடு சாப்பிட்டால் 30 நிமிடங்களுக்கு மேல் துடிதுடித்து சாக வேண்டியிருக்கும் என்பதால், பொட்டு அம்மான் அவரை தனது துப்பாக்கியால் சுட்டு கொன்று, மனைவிக்கு அமைதி தந்தார்.

பின்னர் போர்களத்துக்கு சென்ற அவர் விடுதலை புலிகள் படைதளபதிகள் சிலருக்கு முக்கிய உத்தரவு போட்டார். அப்போது இலங்கை ராணுவம் அவர்களது இருப்பிடத்துக்கு அருகில் வந்துவிட்டதால் அன்று இரவு தன்னை தானே சுட்டு தற்கொலை செய்து கொண்டார்.

இதை தொடர்ந்து உளவுத் துறையில் முக்கிய பதவியில் இருந்த ரத்னம் மாஸ்டர், துரோனர், கீர்த்தி, நிரோஷன், மணிமேகலை, அன்பு மாஸ்டர், ஞானவேல் மாஸ்டர், முத்தப்பன் ஆகியோரும் தற்கொலை செய்து கொண்டனர்.

உளவுத்துறை தகவல்களை ஒருங்கிணைக்கும் விநாயகம் மாஸ்டர் இந்தியாவுக்கு தப்பி சென்றுவிட்டார். தற்போது அவர் எங்கு பதுங்கியுள்ளார் என்பது தெரியவில்லை என்கிறது.

மட்டக்களப்பில் இருந்து கொழும்பு சென்றுகொண்டிருந்த ஈரோஸ் அமைபிற்கு சொந்தமான வாகனம் சிங்களப் பிரதேசமொன்றில் சென்று கொண்டிருந்த லாண்ட் மாஸ்ரர் வண்டி ஒன்றுடன் மோதியதில் அவ்வண்டியில் பயணம்செய்த பொதுமக்கள் இருவரும் ஸ்தலத்திலேயே கொல்லப்பட்டுள்ளதாக தெரியவருகின்றது.

ஈரோஸ் இயக்கத்தின் வாகனச்சாரதிக்கு சாரதி அனுமதி பத்திரம் இல்லை என்பதுடன் அவர் பொலிஸ் தடுத்துச் வைக்கப்பட்டுள்ளார். அவ்வாகனத்தில் பயணம் செய்த ஈரோஸ் பிரபாவும் தடுத்து வைக்கப்பட்டுள்ளாதாக ஊர்ஜிதமற்ற தகவல்கள் தெரிவிக்கின்றன.

நோர்வேஜியர் இனவாதிகள் என்கின்றனர் நோர்வே தமிழர் அவையினர்:

நோர்வே மக்கள் இனவாதிகள் எனும் தொனியில் சிறுபாண்மை இனங்களுக்கான நோர்வேஜிய மொழியில் வெளிவரும் உத்துறுப் எனும் பத்திரிகையில் புலிகளின் முன்னணிச் செயற்பாட்டாளர்களால் எழுதப்பட்டதை தொடர்ந்து, நோர்வேஜிய மக்கள் நோர்வே தமிழரை உண்ட வீட்டுக்கு இரண்டகம் செய்யும் மனித நாகரிகம் அற்ற பிறவிகள் எனும் தொனியில் அந்நாட்டு ஊடகங்களில் வர்ணிக்க தொடங்கியுள்ளனர்.

குறிப்பிட்ட பத்திரிகை நோர்வே நாட்டில் வாழுகின்ற சகல சிறுபாண்மை இனங்களுக்குமான தமது சுதந்திரமான கருத்துக்களை வெளிக்கொணர்வதற்கான தளமாக அமைந்துள்ளது. இப்பத்திரிகைக்கான பூரண ஆதரவும் அனுசரணையும் அந்நாட்டு அரசினால் வழங்கப்பட்டுள்ளது.

இதனடிப்படையில் இலங்கைத் தமிழர்களின் பிரதிநிதிகளாக தம்மை முன்னிறுத்திய புலிகள், தமிழ் மக்களின் கருத்துக்களாக தமது கருத்தினை இப்பத்திரிகையூடாக அந்நாட்டு சமூதத்திற்கு வழங்கி வந்திருந்தனர். புலிகள் சார்பாக புலிகளின் பிராந்திய பொறுப்பாளர் மயூரன் என்பவர் உத்துறுப் பத்திரிகையில் கடந்த பல வருட காலங்களாக செயலாற்றி வருகின்றார்.

இப்பத்திரிகையின் தமிழ் செய்தி நிர்வாகப் பொறுப்பாளரான மயூரன் நோர்வேயில் புலிகளால் நிறுவப்பட்டுள்ள நோர்வே மக்களவையின் முன்னணிச் செயற்பாட்டாளராக இருந்து வருகின்றார். அதேநேரம் குறிப்பிட்ட மக்களவையில் பேச்சாளர் கந்தையா நோர்வேயில் கடந்த இரண்டுவாரங்களுக்கு முன்னர் நடந்து முடிந்த தேர்தலில் தமிழ் மக்கள் குறிப்பிட்ட சில கட்சிகளுக்கு வாக்களிக்க கூடாது என தமிழ் மக்களை மிரட்டியிருந்தார். இவருடைய இவ்வேண்டுகோளானது சட்டவிரோதமானது என்ற அடிப்படையில் நோர்வே பொலிஸார் அவரை விசாரணைக்கு உட்படுத்தியிருந்தனர்.

தமிழ் தலைமைகள் இலங்கை மக்களுக்கு இனவாதம் கற்றுக் கொடுத்தாற்போல் குறிப்பிட்ட நோர்வே தமிழர் அவை நோர்வே வாழ் இலங்கை தமிழ் மக்களுக்கு ஐரோப்பிய எதிர்ப்பு வாதத்தை புகட்ட முனைகின்றதா என்ற கோணத்தில் நோர்வே பொலிஸார் தமது பார்வையை திருப்பியுள்ளனர்.

இவ்வாறு புலிகள் தமிழ் மக்கள் தஞ்சம் பெற்றுள்ள நாடுகளில் பொறுப்புணர்சி அற்று செயற்படுகின்றபோது அவற்றை மக்கள் தக்க சமயத்தில் இனம் கண்டு தடுத்து நிறுத்தாது அல்லது தட்டிக்கேட்காது போனால் இலங்கையில் புலிகளியக்கத்திற்கு நிகழ்ந்த வரலாறு ஐரோப்பிய மண்ணில் வாழும் அனைத்துப் புலிகளுக்கும் இடம்பெறும் என்பதில் எவ்வித சந்தேகமுமில்லை, என்பதுடன் அது தமிழ் மக்களின் இருப்பையும் காவு கொள்ளும் நிலை தோண்றும் எனவும் பலரும் அச்சம் தெரிவிக்கின்றனர்

நம் கணினியை பாதுகாக்க பலவிதமான இலவச ஆன்டிவைரஸ் மென்பொருள்களை நிறுவி இருப்போம் .சிலர் பாதுகாப்பு கருதி காசு கொடுத்து மென்பொருளை நிறுவி இருப்பார்கள்.நாம் நிறுவிய ஆன்டிவைரஸ் மென்பொருளால் கணினியின் வேகம் வெகுவாக குறைவதை கண்கூடாக பார்க்கின்றோம்.இதற்கெல்லாம் மாற்றாக மைக்ரோசாப்ட் வழங்குகின்றது Microsoft Security Essentials முற்றிலும் இலவசமாக.

இது மைக்ரோசாப்டின் முந்தைய பாதுகாப்பு மென்பொருள்களான Windows Live OneCare and Windows Defender மாற்றாகும்.



இதன் சிறப்பு அம்சங்கள் :

   1. தரவிறக்க இலகுவானது 10 mb மட்டுமே.
   2. ஒரு நிமிடத்திற்கு உள்ளாகவே பதிந்து விடலாம்.
   3. தானாகவே அப்டேட் செய்து கொள்ளும்.
   4. கணினியின் வேகம் குறையாது.
 5. முழுமையான பாதுகாப்பு Spyware,Malware மற்றும் வைரஸ் போன்றவற்றில்லுருந்து.

தரவிறக்க

குறிப்பு உங்கள் விண்டோவ்ஸ்  Original ஆக இருக்க வேண்டும்

மென்பொருள் நிறுவ தேவையானவை :

   1. விண்டோஸ் xp/vista/7 இவற்றில் ஏதேனும் ஒரு இயங்குதளம்.
   2. உங்கள் இயங்குதளம் (OS) Genuine Copy ஆக இருத்தல் அவசியம்

டெஹ்ரான்: யூதர்களுக்கு எதிராக கடுமையாக பேசி வரும் ஈரான் அதிபர் மஹமூத் அகமதிநிஜாத், அடிப்படையில் ஒரு யூதர். அகமதிநிஜாத் பிறந்த சில ஆண்டுகளிலேயே அவரது பெற்றோர் முஸ்லீமாக மதம் மாறி விட்டனர் என்று ஒரு தகவல் வெளியாகி பரபரப்பை ஏற்படுத்தியுள்ளது.

இஸ்ரேல் மற்றும் அமெரிக்காவுக்கு எதிராக அனலைக் கக்கி வருபவர் அகமதிநிஜாத். இந்த நிலையில், அகமதிநிஜாத்தின் கடந்த காலம் குறித்த பரபரப்புத் தகவல் வெளியாகியுள்ளது.

அகமதிநிஜாத்தின் குடும்பப் பின்னணியில் யூத தொடர்பு உள்ளது. அதை அகமதிநிஜாத் மறைத்து வருகிறார் என்கிறது அந்த செய்தி.

இதுதொடர்பாக தி டெய்லி டெலிகிராப் நாளிதழ் புகைப்படத்துடன் கூடிய செய்தியை வெளியிட்டுள்ளது.

அதில், கடந்த 2008ம் ஆண்டு மார்ச் மாதம் நடந்த தேர்தலின்போது அகமதிநிஜாத் தனது அடையாள அட்டையைக் கையில் ஏந்தியபடி நிற்கிறார்.

அந்த அடையாள அட்டைதான் இப்போது பரபரப்பை ஏற்படுத்தியுள்ளது.

அந்த அடையாள அட்டையில் அகமதிநிஜாத்தின் பழைய பெயர் சபோர்ஜியான் என உள்ளது. சபோர்ஜியான் என்பது ஒரு யூதப் பெயராகும். இதற்கு அர்த்தம் - ஆடை நெய்பவர் அதாவது நெசவாளி என்பதாகும்.

அகமதிநிஜாத்தின் பெற்றோர் யூதர்கள். அவர்கள், அகமதிநிஜாத் பிறந்த பின்னர் முஸ்லீம் மதத்திற்கு மாறியுள்ளனர் என்றும் அந்த செய்தி கூறுகிறது.

சபோர்ஜியான் பரம்பரையினர், அகமதிநிஜாத் பிறந்த ஊரான ஆராதானைச் சேர்ந்தவர்கள் ஆவர். சபோர்ஜியான் என்பது ஈரான் யூதர்களாக ஈரான் உள்துறை அமைச்சகத்தின் இனப் பட்டியலில் இடம் பெற்றுள்ளது குறிப்பிடத்தக்கது.

இந்தப் புதிய தகவல் குறித்து அரபு மற்றும் ஈரான் கல்வி மையத்தைச் சேர்ந்த அலி நூரிசதே கூறுகையில், இந்தத் தகவல் அகமதிநிஜாத்தின் உண்மையான பின்னணியைப் பற்றி நிறையத் தகவல்களைக் கூறுகிறது.

ஒவ்வொருவரும் ஒரு மதத்திற்கு மாறுகின்றனர். ஆனால் மாறிய பின்னர் தங்களது பழைய மத நம்பிக்கையை கடுமையாக சாடி, தங்களது புதிய நம்பிக்கையை பெரிதாக காட்டிக் கொள்ள முனைகிறார்கள். அகமதிநிஜாத்தும் இதைத்தான் செய்து வருகிறார் என்றார்.

இது டெலிகிராப் வெளியிட்டுள்ள செய்தி. உண்மை என்னவோ தெரியவில்லை.

வவுனியா இடம்பெயர்  முகாம்களிலிருந்து மக்களை சட்டவிரோதமாக வெளியேற்றும்  செயற்பாட்டிற்காக  பணம் அறவீடு செய்யப்பட்டுள்ளதாகவும், இந்த நடவடிக்கையின் மூலம் அரசியல்வாதி ஒருவர் 200 கோடி ரூபா பணத்தை வருமானமாக ஈட்டியுள்ளார் எனவும் பிரபல வார இறுதி சிங்களப் பத்திரிகையொன்று செய்தி வெளியிட்டுள்ளது.

வடக்கு இடம்பெயர் முகாம்களிலிருந்து இதுவரையில் சுமார் 20,000 பேர் சட்டவிரோதமாக வெளியேற்றப்பட்டுள்ளதாகத் தெரிவிக்கப்படுகிறது.

இடம்பெயர் முகாம்களிலிருந்து மக்களை சட்டவிரோதமான முறையில் வெளியேற்றும் செயற்பாடுகளுடன் பிரபல அரசியல்வாதி ஒருவரும் அவரது சகோதரரும் தொடர்புபட்டிருப்பதாகக் குறிப்பிடப்படுகிறது.

இந்த நடவடிக்கையின் மூலம் குறித்த அரசியல்வாதி 200 கோடி ரூபா பணத்தை வருமானமாக ஈட்டியுள்ளார்.

முகாம்களிலிருந்து மக்களை வெளியேற்றி அவர்களை வவுனியா அல்லது கொழும்பிற்கு அழைத்துச் செல்லும் நடவடிக்கைகளுக்காக இந்தப் பணம் அறவீடு செய்யப்பட்டுள்ளது.

தமிழீழ விடுதலைப் புலி உறுப்பினர்கள் மற்றும் ஆதரவாளர்கள் இவ்வாறு பணத்தைக் கொடுத்து தப்பிச் சென்றுள்ளதாகத் தெரிவிக்கப்படுகிறது.

எவ்வாறெனினும், நினைத்தவாறு இடம்பெயர் முகாமிலிருந்து எவராலும் வெளியேறிச் செல்ல முடியாது என அனர்த்த நிவாரண மற்றும் புனர்வாழ்வு அமைச்சர் ரிசாட் பதியூதீன் தெரிவித்துள்ளார்.

சென்னை: விபச்சார வழக்கில் நேற்று புவனேஸ்வரியை எப்படி கைது செய்தோம் என்ற தகவலை போலீசார் தெரிவித்துள்ளனர். அரசியல் புள்ளியின் படத்தைக் காட்டி போலீஸ் நிலையம் வர மறுத்த புவனேஸ்வரியை தந்திரமாகப் பேசி அழைத்து வந்து கைது செய்துள்ளனர் விபச்சாரத் தடுப்புப் போலீசார்.

சைதாப்பேட்டை கோர்ட்டில் நேற்றே ஆஜர்படுத்தப்பட்ட அவர் 15 நாள் நீதிமன்றக் காவலில் புழல் சிறையில் அடைக்கப்பட்டார்.
'பாய்ஸ்', 'குண்டக்க மண்டக்க' போன்ற படங்களில் விபசார அழகியாக நடித்த நடிகை புவனேஸ்வரி விபசார வழக்கில் நேற்று கைது செய்யப்பட்டார்.

35 வயதாகும் இவருக்கு 9-ம் வகுப்பு படிக்கும் ஒரு மகன் உள்ளார். ஏற்கனவே விபசார வழக்கில் சிக்கி, பின்னர் நிரபராதி என்று விடுதலை செய்யப்பட்டவர் புவனேஸ்வரி என்பது குறிப்பிடத்தக்கது.

மீனாகுமாரி, புவனா, சுருதி என்ற பெயர்களும் இவருக்கு உண்டு. தற்போது நிறைய தமிழ் மற்றும் தெலுங்குப் படங்களில் நடிக்க ஒப்பந்தமாகி வந்தார். நிறைய நிகழ்ச்சிகளிலும் கவர்ச்சி உடைகளில் நடனமாடி வந்தார்.

அடுத்த கட்டமாக இவர் சமூக இயக்கம் ஒன்றையும் தொடங்க முயற்சி செய்து வந்தார். அதற்கு அரசியல்வாதிகள் சிலரது ஆசியும் இருந்தது.

சென்னை சாஸ்திரி நகர், 1-வது அவென்யூ, ரமணீயம் அடுக்குமாடி குடியிருப்பில் நடிகை புவனேஸ்வரி வசித்து வருகிறார். அந்த வீட்டில் நடிகை புவனேஸ்வரி விபசாரம் செய்வதாகவும், மேலும் அழகிகளை வைத்து விபசார தொழிலும் நடத்துவதாகவும் போலீசாருக்கு சிலர் ரகசிய தகவல் கொடுத்தனர். உடனே அவரைப் பிடிக்க விபசார தடுப்பு போலீசார் ரகசிய திட்டம் போட்டனர்.

ஆந்திர தொழில் அதிபர் போல...

மத்திய குற்றப்பிரிவு துணை கமிஷனர் ஸ்ரீதர், உதவி கமிஷனர் ராஜேந்திரன் ஆகியோர் மேற்பார்வையில், இன்ஸ்பெக்டர் சந்திரகாசன், சப்-இன்ஸ்பெக்டர் நடராஜன் ஆகியோர் தலைமையில் இதற்காக தனி போலீஸ் படை அமைக்கப்பட்டது.

தனிப்படை போலீசார் நடிகை புவனேஸ்வரியிடம் ஆந்திர தொழில் அதிபர் ஒருவர் பேசுவது போல செல்போனில் பேசினார்கள்.

ஆந்திர தொழில் அதிபர் என்பதால் புவனேஸ்வரி உல்லாசத்துக்கு சம்மதித்தார். 'ஒரு மணி நேரம் மட்டுமே என்னோடு இருக்க முடியும், அதற்கு ரூ.30 ஆயிரம் வேண்டும்' என்று பேரம் பேசினாராம். போலீசாரும் அதற்கு சம்மதித்து, போலீஸ்காரர் ஒருவரை தொழில் அதிபர் வேடத்தில் அனுப்பினார்கள்.

நேற்று பகல் 11 மணி அளவில் அந்த போலீஸ்காரர் நடிகை புவனேஸ்வரி வீட்டுக்கு சென்றார். அவரை பார்த்ததும் வீட்டில் இருந்த புவனேஸ்வரி அன்போடு 'வாங்க, வாங்க' என்று தெலுங்கில் பேசி உபசரித்தார். தெலுங்கு தொழில் அதிபர் என்று நினைத்து இந்த உபசரிப்பை புவனேஸ்வரி வாரி வழங்கியுள்ளார். அவர் போலீஸ்காரர் என்பது அப்போது அவருக்கு தெரியாது.

நான் வேண்டும் என்றால் ரூ.30 ஆயிரம் கொடுங்கள், வேறு பெண் வேண்டும் என்றால் ரூ.10 ஆயிரம் போதும் என்று வீட்டுக்குள் இருந்த மேலும் 2 பெண்களையும் காட்டினாராம்.

அப்போது மாறுவேடத்தில் சென்ற போலீஸ்காரர், 'அந்த பெண்கள் வேண்டாம், நீங்கள்தான் வேண்டும்' என்று ரூ.30 ஆயிரம் பணத்தை கொடுத்தார். பணத்தை வாங்கிக்கொண்டு தனி அறைக்கு அழைத்து சென்ற போது வெளியில் தயார் நிலையில் காத்து இருந்த தனிப்படை போலீசார் வீட்டு கதவை தட்டினார்கள்.

தலைவரை மீறி கைது செய்வீர்களா...

புவனேஸ்வரி வந்து கதவை திறந்தார். வெளியில் நின்ற போலீசாரை பார்த்ததும் அதிர்ச்சி அடைந்தவர், தன் வீட்டுக்குள் மாட்டப்பட்டிருந்த அரசியல் பிரமுகர் ஒருவரின் படத்தைக் காட்டி "அவர்தான் என் தெய்வம், அவரை மீறி என்னை கைது செய்ய முடிந்தால் செய்து கொள்ளுங்கள்" என்று மிரட்டியுள்ளார். ஆனால் போலீசார், "உங்களை கைது செய்ய மாட்டோம், நீங்கள் என்று தெரியாமல்தான் வந்து விட்டோம், உங்களை விசாரணைக்கு பிறகு விட்டு விடுகிறோம்!" என்று சமாதானப்படுத்தினார்களாம்.

வீட்டில் இருந்த அஞ்சலி, டோலிசெட் என்ற மேலும் 2 மும்பை அழகிகளையும் போலீசார் பிடித்தனர். 3 பேரையும் சிந்தாதிரிப்பேட்டையில் உள்ள விபசார தடுப்பு போலீஸ் நிலையத்துக்கு அழைத்து வந்தனர்.

அங்கு வழக்கமான விசாரணை முடிந்ததும் புவனேஸ்வரியைக் கைது செய்தனர். அவருடன் பிடிபட்ட மற்ற 2 பெண்களையும் பாதிக்கப்பட்டவர்களாக போலீசார் வழக்கில் சேர்த்தனர்.

கைது செய்வதாக போலீசார் கூறியதும், புவனேஸ்வரி அழுதி அரற்றினாராம். என் பிழைப்பில் மண்ணள்ளிப் போட்டுட்டீங்களே... என்று போலீசாரைப் பார்த்து சபித்தாராம்.

அவரது வாக்குமூலம்...

நெல்லை மாவட்டம், சங்கரன்கோவில் என் சொந்த ஊராகும். நான் ஜமீன் குடும்பத்தில் பிறந்தவள். பி.காம் பட்டப்படிப்பு படித்து கொண்டிருக்கும் போதே எனது உறவினரான பாண்டியன் என்பவரை எனக்கு திருமணம் செய்து வைத்தனர். அவர் என்னோடு நீண்ட நாள் வாழவில்லை. மகன் பிறந்தவுடன் பிரிந்து சென்று விட்டார்.

நான் கல்லூரியில் நாடகத்தில் நடித்துள்ளேன். நடனமும் நன்றாக ஆடுவேன். எனது நாடகத்தை பார்த்து சென்னையில் உள்ள துணிக்கடை விளம்பரத்தில் மாடலிங்காக நடிக்க வைத்தனர். ஊறுகாய் விளம்பரம் ஒன்றிலும் நடித்தேன்.

சினிமாவில் வாய்ப்பு வர ஆரம்பித்தது. அந்த நேரத்தில் 2002-ம் ஆண்டு இதே போல் போலீசார் என்னை விபசார வழக்கில் கைது செய்து விட்டனர். அதனால் எனது சினிமா வாழ்க்கையே இருண்டு போய்விட்டது. பின்னர் நான் நிரபராதி என்று வழக்கில் இருந்து விடுவிக்கப்பட்டேன்.

அதன்பிறகு 'பாய்ஸ்', 'குண்டக்க மண்டக்க' போன்ற படங்கள் எனக்கு மறுவாழ்வை கொடுத்தன. டி.வி சீரியல்களிலும் நடிக்க ஆரம்பித்தேன். தெலுங்கு படங்களில் நல்ல வாய்ப்பு கிடைத்தது. இப்போது எனது வாழ்க்கை ஓரளவு பரவாயில்லை. எனது மகன் 9-ம் வகுப்பு படித்து வருகிறான்.

எத்தனையோ நடிகைகள் விபச்சாரம் செய்கிறார்கள்...

என் வாழ்க்கையில் மட்டும்தான் இப்படி விதி விளையாடுகிறது. மீண்டும் போலீசார் என்னை பிடித்து விட்டனர். என்னை போன்ற எத்தனையோ நடிகைகள் தவறு செய்கிறார்கள். ஆனால் அவர்களை எல்லாம் போலீசார் நெருங்குவதில்லை. 2-வது முறையாக எனது வாழ்க்கையை நொறுக்கி விட்டார்கள். கடவுள் விட்ட வழி... இந்த முறையும் இருட்டில் இருந்து மீண்டு வருவேன் என்று நம்புகிறேன்..." என்று அவர் கூறியதாக போலீசார் தெரிவித்தனர்.

3 சட்டப்பிரிவுகள்...

புவனேஸ்வரி மீது விபசார தடுப்பு சட்டம் பிரிவு 3/1, 4/1. 5/1 ஆகியவற்றின் கீழ் போலீசார் நடவடிக்கை எடுத்துள்ளனர். அவரிடம் இருந்து செல்போன் ஒன்று கைப்பற்றப்பட்டது. நேற்று மாலையில் புவனேஸ்வரியை போலீசார் சைதாப்பேட்டை கோர்ட்டுக்கு அழைத்து சென்றார்கள்.

அவரை படம்பிடிக்க 20-க்கும் மேற்பட்ட பத்திரிகை புகைப்படகாரர்கள் கூடி நின்றனர். ஆனால் யாருடைய காமிராவிலும் முகத்தை காட்டாமல் கறுப்பு துணியால் மூடியபடி புவனேஸ்வரி சென்று விட்டார்.

15 நாள் நீதிமன்ற காவலில் அவர் புழல் பெண்கள் ஜெயிலில் அடைக்கப்பட்டார். அவர் வீட்டில் மீட்கப்பட்ட 2 பெண்கள் அரசு பெண்கள் விடுதிக்கு அனுப்பப்பட்டனர்.

நடிகர் - புரோக்கர் கைது...

இதே போல சூளைமேட்டில் உள்ள அடுக்குமாடி குடியிருப்பு ஒன்றில் அழகிகளை வைத்து விபசாரம் செய்த சதீஷ் (27) என்ற புரோக்கரும் கைது செய்யப்பட்டார். அவர் வீட்டில் இருந்து மாயா, கீதா என்ற 2 இளம்பெண்கள் மீட்கப்பட்டனர்.

சதீஷ் சினிமாவில் சிறிய வேடங்களில் நடித்துள்ளார். பிரபல விபசார தாதா கன்னட பிரசாத்தின் நெருங்கிய கூட்டாளியான சதீஷ் கோர்ட்டில் ஆஜர்படுத்தப்பட்டு, நீதிமன்ற காவலில் ஜெயிலில் அடைக்கப்பட்டார்.

ஏற்கனவே கைது செய்யப்பட்ட ரமெஷ் என்ற விபசார புரோக்கரை குண்டர் சட்டத்தின் கீழ் ஒரு ஆண்டு ஜெயிலில் அடைக்க போலீஸ் கமிஷனர் ராஜேந்திரன் உத்தரவிட்டுள்ளார்.